1. Lāzım degül ruẖuñda ki zülf·i siyāh ola
Ḳarañlıḳ olmaz ol gice kim anda māh ola
2. Her ḳanġı bezmde ki leb·i laʿlüñ añıla
Cām·ı şarābı aġıza almaḳ günāh ola
3. Cennet dir idüm işigüñe ḳoḳum oldürür
Ḥūrī ile arañda senüñ iştibāh ola
4. Dīdār ehli cennete ṣapmaz ʿaleˀl-ẖuṣūṣ
Zülf·i dırāz·ı dōst gibi şāh-rāh ola
5. Serv·i sihī çekinmeye āzād olmaġa
Şol ʿaṣrda ki sencileyin pādişāh ola
6. Fettān gözi ġamı ̮ile ben öldükde dōstlar
Ṭopraġa ḳarışa çü vücūdum tebāh ola
7. Nergis diküñ ki heyʿet·i ṣırf ü elifdürür
Tā kim mezārum üsti ḳamu şekl·i āh ola
8. Ġamzeñ Necātī sīnesin iñen de delmesün
Kimse göre göñüldeki sevgüyi gāh ola
Necātī
